THOUSANDS OF FREE BLOGGER TEMPLATES

Monday, July 25, 2011

كلمة ....موقف...احساس



مر الوقت سريعا ... منذ عام تقريبا كانت اخر كلماتي هنا .....
مرت بي في هذه الايام احداث كثيره وكنت مع كل يوم قول اريد ان اكتب ... ولكن يتوه قلمي في زحمة ايامي
ولكن اليوم قرر قلمي ان يخطو على صفحتي الحبيبه بعض الكلمات ...
..........................
وفكرت كثير ... باي شكل من الكلمات اعود ... اي منها احتاج ان اعود بها ويبث في نفسي حماس العوده...
واهتديت الى ان ابدأ عودتي بتأثير كلماتنا على الاخرين وعلى حياتنا ....
..........................
فكلمة واحدة قد تفجر بركان متاجج النيران في ارض مزهرة .....و بكلمه واحده قد تحول بركان ثائر الى حديقة مزهر... فاختار كلمتك يسعد بك من حولك .... وتسعد بمن حولك
....................................
ففي يوم من الايام وبعد مرور بضعة اشهر على زواج أحمد ومنى عن قصه حب دامت سنوات كان ذلك الحوار
المكان : احمد واخوه ( ياسين ) ومنى يتناولون طعام الغذاء)
ياسين : الا قولي يا احمد انت صارحت منى ازاي انك بتحبها ( ياسين بيحب جديد)
منى : تبتسم ابتسامة تتلالا معها عيناها ... فقد مر بخاطرها ذاكرة تلك الايام الجميله... وتنظر الى احمد وتداري عينيها من اخاه ناظره الى طعامها
أحمد : يابني هي الي قالتلي اصلا
منى : تنظر الى احمد نظره سريعه مندهشة من رده وتعلم انه يداعبهم .... ومازالت ابتسامتها على شفتهيا
ياسين : لا والله هي الي قالتلك انها بتحبك يعني ؟
أحمد : بلهجه يختلط بها الجد والهزر ويغلب عليها الجد .... انا كنت في حالي و هي الي فضلت ورايا لغايه ما وقعتني
منى : وابتساتها قد زبلت محاولا الحفاظ عليها ..... اه صح حتى باماره اني قعدت اعيط واقولك اتجوزني لاحسن اموت
أحمد : لا مش للدرجه دي يعني
منى : تحاول الحفاظ على ما تبقى من صبرها وتحاول جاهده ان تبقى على ابتسامتها التي اصبحت مصطنعه... وتقول يا ابني انت كنت مابتصدق اساسا تكلمني ....
احمد : انتي ادرى
منى : يعلو الصمت على ملامحا
ياسين : على ايه اصلا يا ابني وانت كان معاك ساعتها حاجه اصلا ولا ايه يا منى
منى : ترسم ابتسامة مصطنعه
احمد : هي الي كانت عايزه تستحمل انا ماطلبتش منها حاجه ولا غصبت عليها
ياسين : قول كلمة حق ده غيرها كانت ما استحمل
وانتهى الحوار ... ذهبت ابتسامة منى الى ما وراء الذكريات .... وانطفا معها نور الحب الذي تلالا في عينيها للحظات ....

........................
حوار २ نفس الاشخاص في نفس المكان
ياسين : الا قولي يا احمد انت صارحت منى ازاي انك بتحبها ( ياسين بيحب جديد)
منى : تبتسم ابتسامة تتلالا معها عيناها ... فقد مر بخاطرها ذاكرة تلك الايام الجميله... وتنظر الى احمد وتداري عينيها من اخاه ناظره الى طعامها
احمد : ينظر الى منى نظرة حب يقول بها اتذكرين حبيبتي.... يزداد قلب منى خفقاقنا ... وتتسع ابتسماتها لتستوعب الكون باكمله ...
ثم يقول : منى دي اجمل حاجه في حياتي ... وبعدين انت مالك دي حاجه بيني وبينها وبس .... ثم ينظر اليها ويكمل .... عارف انا كنت مستعد اعمل اي حاجه عشان توافق ... لاني ماكنتش شايف زيها في الدنيا ... قلبي وعقلي قالقولي هي دي ...

منى : ربنا يخليك ليا يا احمد ... انا الي عمري ماكنت هلاقي في حياتي زيك ابدا ربنا يقدرني واسعدك
ياسين : احم احم ... نحن هنا ... اقوم بقى ولا ايه
احمد : على فكره يا يسين منى دي يرجع ليها الفضل في حجات كتير ... بجد وقفت جنبي كتير وشجعتني وساندتني في كل المواقف ربنا يقدرني واقدر اسعدها ...
منى : ووجها يشرق نورا ... وهي تستنشق عطر ذكرياتهم الجميله ... انا اكيد عشان ابقى جنبك لازم استحمل كل حاجه في الدنيا ... لان مافيش زيك في الدنيا كلها ... ربنا يقدرني واكون جنبك واسعدك ديما

.................
بالتأكيد استشعرت تأثير كلمات احمد في الموقفين على نفسيتكم
ياريت مافيش حد مننا يستهون بتأثير الكلمه على كل الي حوله مهما كانت الكلمه بسيطه ....
تحياتي

12 comments:

موناليزا said...

عودة قوية يا حنان
مع موضوع يغفل عنه الكثير
فالكلمة الطيبة صدقة
وبعض الكلمات تحيي وبعضها يميت

nor said...

لسه زي ما انتي رومانسيه لدرجه عاليه لدرجه لا اجدها بالبشر
موضوع حلو اوي و عود ا احمد ههههههههه
نورتي يا نونا
وفعلا تأثير الكلمه كبير في حياتنا اوي بس مين يعرف و مين يعرف و ينفذ
أدام الله عليكي رقتك و عذوبتك

رحــــيـل said...

حمد الله على سلامتك يا حنان
اتبسطت لما شوفت تعليقك وكمان تدوينتك
انا كمان غايبة بقالي فترة او ارجع واجيب وارجع واغيب بس خلينا بقى نشجع بعض ومانغيبش تاني
اتمنى تكوني بخير ف حياتك الجديده
:)
----------
بالنسبة للموضوع انتى عرضيته بشكل حلو جدا اعتقد ان الموقفين وضحوا الفرق فعلا لان كتير مش بياخد باله من كلامه خصوصا لو بيهزر

تسلم ايديكي واحساسك ويلا نتفق بقى ما نغيبش تاني

saragebaly said...

عــودآ حـمـيــدآ يــا جميل


نورتي :)

حنان سعيد said...

موناليزا
بجد واحشاني كتيييير
وربنا مايحرمنيش من تعليقاتك يارب
وكل سنه وانت طيبه يا قمر

حنان سعيد said...

نور حبيبتي
ياريت يا نور ماتكونش رومانسيتي دي اتغيرت
ومش عارفه دي رومانسيه ولا ده الي مفروض تكون الناس عليه

ربنا يخليكي ليا حبيبه وصديقه عمري
ومايحرمنيش منك ابدا

حنان سعيد said...

رحيييييل
بجد واحشاني اووووي
مش عارفه ايه موضوع الغيبه الي بنغيبها دي
نفسي اووووي نرجع زي الاول
وبجد ياريت نشجع بعض
ربنا يخليكي ليا يا حبيبتي
وكل سنه وانت طيبهورمضان كريم

حنان سعيد said...

ساره
كلماتك من اكتر الكلمات الي بفتقدها في غيابي عن المدونه
تحياتي لك حبيتي
وكل سنه وانت طيبه ورمضان كريم

كفايـة طيبـة said...

نورتى الدنيا كلهاياحنان


ياريت فعلا الناس تحس اد ايه تأثير الكلام بيفرق

كلام زي كدة مكلفش حد حاجة .. مجرد انه اسعد اللى ادامه بس
وعّلم اللى بيحب جديد ازاى يحب

نورتى تانى
وانا كمان نورت عشان انا كمان غايبة بقالى كتير

كل سنة وانتى طيبة

Bent Men ElZman Da !! said...

اولاً حمدالله على السلامه

موضوعك جميل اوى وطريقه عرضك للفكره عجبتنى جدا
فعلا الكلمه بتفرق
مهما كنا فاكرين ان الكلمه بسيطه
بس بتأثر فينا اوى سواء بالسلب او بالايجاب

مبسوطه جدا انى عرفت مدونتك ياحنان :))

حنان سعيد said...

Bent Men ElZman Da !!
بجد اسعندي كلامك جداااا
تحياتي لك واتمنى ان تشرفيني دائما بتعليقاتك
تحياتي

الازهرى said...

كثيرا ما نقع فى فخ الكلمات
ونصطدم أننا قد خسرنا المقربين إلينا

تحياتى للعودة القوية