THOUSANDS OF FREE BLOGGER TEMPLATES

Tuesday, August 18, 2009

صرخه وليد



اول صوت تسمعه للوليد صرخه

صرخه بتقول للحياه الف لا ولا


صرخه بتقول ارحموني... ليه بين البشر ترموني


سيبوني قلب طيب ابيض ..مايعرف حقد ولا قسوه

ارحموني ابعدوني عن دنيتكم

....


صرخه وليد بتقول سيبوني على الفطره اقابل ربنا ونفسي طاهره



صرخه وليد مستغربه على قلوب بيه مرحبه


مرحبين بيا ليه

عايزيني اعيش مع مين ولا فين

مع اخ !!! ولا اب!!! والكل بقى ياكل في لحمه كله اكل

ومابقتوش عارفين مين القريب من العدو ومين الحبيب

قولولي فين الصديق فين الرفيق

فين الامانه فين الدين

فين عقولكم فين قلوبكم فين حيائكم في كبريائكم

وفين وفين وفين


طيب قولولي اتبقى ايه تربوني عليه

.........


سيبوني ارحموني.... ليه بين البشر ترموني


ليه تلطخوني بدمكم وتردموني بظلمكم


مش عاوز اشوف وششككم باقت بمليون وش وش

مش عايز اسمع كلامكم مابقاش فيه غير الكذب

مش عايز اعيش مشاعركم مافيهاش غير مصالح وبس


ماتردو عليا وقلولي اتبقى ايه عندكم تربوني عليه


سيبوني ابيض نقي

سيبوني

ارحموني

ليه بين البشر ترموني

30 comments:

رضا الكومى said...

أولاً كل سنة وأنت طيبة

رضا الكومى said...

أنتِ غايبة ليه يا حنان من زمان

رضا الكومى said...

أما عن البوست
قكلماتك معبرة جداً

طفل نقى
صفحة بيضاء
ثوب ناصع البياض
ثم
بعد ذلك
يجد من قاذورات الدنيا ما يغيره صفاءه
طبعاً إلا من رحم لله
ولكنها سنة الحياة

شكراً حنان لكلماتك المعبرة

smilyrose said...

وحشتينى جدا

كل سنة وانتى طيبة

ورمضان كريم

smilyrose said...

المشكلة اننا كلنا بنصرخ

الصرخه ومفيش فايده


برده سابونا فيها

ونعانى فيها

وبرده مفيش فايده

Mahmoud farag said...

موضوع جميل .... يا حنان

هى دي الدنيا اسم على مسمى

من يوم ما اتوجدنا في الدنيا و احنا بنصرخ

الاول بنصرخ بصوووت عالي

و لما كبرنا

برده بنصرخ

بس صرخات مكتومه

بنصرخ من جوانا

بنعيط من جوانا
دمووعنا تحرقنا ... دموعنا تكوينا

و هنفضل نصرخ و نصرخ

و لو فكرنا نصرخ بصوت عالي برده محدش بقى بيسمع

................

قطرات من شواطئ الحياة said...

لو لم تكن الدنيا حزينة .. فلماذا ولدنا و نحن نبكي

جميلة خواطرك
و الأجمل أسلوبك و انتقائك للكلمات

و إن كنا ولدنا و نحن نبكي و من حولنا يضحكون فلنفعل ما في وسعنا حتى إذا متنا نضحك و هم يبكون

على خطى الحبيب said...

السلام عليكم ورحمه الله

اول زياره لمدونتكم وإن شاء الله هتتكرر تانى كتيــر,

اما بخصوص البوست فهو منقول لينا بشكل جميل فعلا وبيعبر فى نفس الوقت عن المعاناه اللى بنعيشها فى هذه الدنيا,
لكنه هو القدر..ولازم الطفل هييجى ولازم هيتعذب فى الدنيا زينا...أشمعنى أحنا يعنى :)

خالص تقديرى ليكى,,
تقبلى مرورى,,

دمتى بكل الود والخير,,,,,,,,,
0

nor said...

صحيح يا حنونا
بنيجي الدنيا نصرخ
و نفضل نصرخ
بس يا رب نخرج منها و احنا راضيين
عايزة الاقي متفائله يا حببتي بلاش كده يا قمر اوك
تحياتي

mohamed ghalia said...

روعة بجد
رغم الحزن الى فيها
بس روعة
تسلم ايدك
كل سنة وانتى طيبة

موناليزا said...

لو كانوا سائلونا قبل مايولدونا عارفين كنا نقول ايه
كنا نقول ارحمونا عشان تخلفونا فى الزمن اللى احنا فيه

افتكرت كلمات الاغنية دى وانا بقرأ كلماتك
---
كل سنة وانتى طيبة يا حنونة

كيــــــــــــارا said...

الله ياحنان قلتي كلام نفسى اقوله بجد

كل سنة وانتي طيبة :)

gogo!sf said...

حنونه كل سنه وانتى طيبه يا قمر

اقصوصه said...

رمضان كريم :)

Asmaa Fathi said...

حنان كل سنه وانتِ طيبة

ورمضان كريم

بس ليه كده صرخة ميلاد ليعلن بدء عمل جهاز التنفس لديه

عموما

تحياتي

فشكووول said...

حنونه الحلوه

السلام عليكم وحل سنه وانت طيبه ورمضان كريم

اصل يا حنونه هو كان فى بطن امه لوحده وما فيش على الحجر غيره لما اتولد ياعينى بقى من ضمن الملايين اللى ماشيه على الارض وبتقطع فى بعضها وتسرق بعضها

تحياتى حنونه

الازهرى said...

كل عام وانت بخير بمناسبة عيد الفطر المبارك اعاده الله علينا وعلى المسلمين بالخير واليمن والبركات

حنان سعيد said...

رضا
نورت مدونتي اكيد
وميرسي لكلامك كتير

حنان سعيد said...

smilyrose

انتي كمان يا حببتي وحشتنيني كتير
:)
وعندك حق
بردو مافيش فايده
نعمل ايه مش عارفه

حنان سعيد said...

محمود
معاك حق في كل كلامك
بردو مابقاش في حد بيسمع

تحياتي لك

حنان سعيد said...

قطرات من شواطئ الحياة

بجد سعيده جدااا بزايرتك الرقيقه جداا

وعجبني كلامك اووووي

...................

و إن كنا ولدنا و نحن نبكي و من حولنا يضحكون فلنفعل ما في وسعنا حتى إذا متنا نضحك و هم يبكون

بجد ده اهم حاجه اننا ضحك وقت ممتنا
ياااااااااااارب

حنان سعيد said...

على خطى الحبيب

سعيده بزيارتك جدااا
اتمنى تتكرر كتير
تحياتي لك

حنان سعيد said...

نور حببتي
دعيلي

حنان سعيد said...

mohamed ghalia

ميرسي ربنا يخليك

وكل سنه وانت طيب
تحياتي لك

حنان سعيد said...

موناليزا
تعرفي عندك حق
فعلا الاغنيه دي ماشيه مع الكلام اوووي

كل سنه وانتي طيبه يا قمر

حنان سعيد said...

كيــــــــــــارا

:)
اكيد يسعدني اني اعبر عن الي جواكي
كل سنه وانتي طيبه حببتي

حنان سعيد said...

جوجو
وانتي طيبه يا قمر

حنان سعيد said...

اقصوصه حببتي
كل سنه وانتي طيبه
:)

حنان سعيد said...

اسماء
اكيد طبعا علميا الحق معاكي
بس نفسيا انا مش قادره اشوفها غير كده

نورتيني واسعندتني زيارتك
واتنمني تتكرر
تحياتي

حنان سعيد said...

استاذ فشكول
نورت مدونتي بجد
:)
كل سنه وحضرتك طيب