THOUSANDS OF FREE BLOGGER TEMPLATES

Thursday, February 5, 2009

غلاف خارجي ل24 عام(عيد ميلادي)

  • لا اعرف لماذا قررت ان امسك بقلمي لاكتب عن ذلك العنوان
    هل لاتحدث او افكر فيما حدث لي في العام الماضي او اقصد في اال24 عام الماضيه
    ام لافكر وارسم واتخيل حياتي القادمه
    هل لاتحدث عن افراحي وطموحاتي واحلامي ...ام عن تعبي وتخبط خطواتي
    هل لاقول عيد سعيد واقيم الاحتفال
    ام لا اقول يااااااه قد فات من عمري 24 عام ...وهل اضمن في عمري 24 ثانيه قادمه
    اشعر باني كبرت جداا وارى هناك من يقول ( ونبي سكتو البت دي هتشلني لما هي كبرت احنا نعمل ايه )
    ولكن بالطبع انا لاقصد ذلك
    ولكن كل ما اقصده انه مر بي من احداث ما جعلني اتعلم الكثير والكثير حتى اشعر بان عندي 240 عام
    فاذكر مما تعلمته
    · عرفت بان الصداقه كنز صعب الحصول عليه من الاصعب الحفاظ عليه
    · عرفت كيف تقابل الحسنه بالاسائه وكيف تخان الصداقه والعهود
    · عرفت كم من البشر يحمل البغضاء والضغينه ولا يحب غير نفسه حتى تخيلت نفسي في جزيره للشايطين ليس الا
    · عرفت بان الصديق الحقيقي يعرف وقت الضيق
    · عرفت ان العرب ليس لهم كلمه
    · عرفت بان دمائنا واموالنا واعراضنا رخيصه الثمن امام الاعداء
    · عرفت بان ما اخطئك لم يكن ليصيبك وما اصابك لم يكن ليخطئك
    · عرفت بانه عسى ان تحبو شيء وهو خير لكم وعسى ان تكرهو شيء وهو شر لكم
    · عشقت واحببت صلاه الاستخاره فهل في الكون خير معين من الله
    · عرفت بان الام والاب وجودهما كنز يجب ان نصونه وهو طريقنا الى الجنه
    · عرفت ان هناك دائما من الاشخاص من هم اعلى مستوى من غيرهم يظلمون غيرهم والله الرحمن اعلى من الجميع هو من يكره الظلم فكيف يا الله نظلم وانت ترحمنا
    · عرفت بان هناك الاغنياء فيبخلون باموالهم وياكلون اموال اليتامى والله اغنى الاغنياء يبسط الرزق
    · عرفت بان هناك من البشر من يتززل لغيرهم لحاجتهم اليهم والله الرحمن رفع شئننا وكرمنا ونحن من ازللنا انفسنا
    · عرفت بان الرزق بيد الله ولكننا نجري وراء اسباب واهيه
    · عرفت باننا كنا من اعظم البشر فسبقنا اعداء الاسلام وتخلينا عن ديننا فتخلفنا للوراء فلا وصلنا للغرب ولا حافظنا على قيمنا

    عرفت في الحياه اشخاص كثيره منهم من انا اعيش بينهم الان ومنهم من ابعدتني عنهم الحياه
    ولكن كل ما اقن به ان الذكرى الحسنه هي التي تخلد الانسان

    تعلمت الكثير من الاحاسيس
    تعلمت الايمان.. الحنان .. االحب ... الاشتياق .زالحنين ..الصداقه... الامانه...تعلمت ان احزن ..ان ابكي ..ان اضحك ..ان اسامح .... ان اعاتب ..ز ان افارق ... ان
    وكل ما ارفض ان اتعلمه هو ان اكرهه
    فالكراهيه نار تاكل صاحبها
    فقط قد اغضب

    تعلمت ان يكون القلم صديقي والورقه مكان راحتي


    ومن الغريب الان اني اشعر باني مدانه بالفضل لكل من مرو بحياتي لانهم اضافوا اليي خبرات كثيره ولكل منهم دور في تكوين فكرتي عن الحياه

    وكل ما احزن عليه هو شعوري بان كل عام يمر من عمري يسرق من برائتي ليبعدها عني زمن بعيد
    فكلما زاد عمري تزاد ضروره انتباهي للحياه وتصرفاتي ولكلماتي وحركاتي وابتساماتي
    اصبح لكل لذلك حساب لاني لم اعد طفله

    وكل ما اشتاق اليه هو ان اعود طفله انطلق بلا ادنى مسئوليه وتفكير وتزين لكلماتي وتصرفاتي
    ابجث عن التلقائيه والفطره

    واصعب ما يجول بخاطري مع مرور كل عام هو هل هذا العام مر علي بلا فائده ولم يحسب من زمن طاعتي لله ..وانه قد يكون على العكس انه انقص وقت طاعتي وسرقها ..واني اقترب الى اخرتي وانا لم استعد لها حتى الان

    بالتاكيد بداخلي الكثير من التفاصيل ولكن تلك حياتي في الغلاف الخارجي


43 comments:

saragebaly said...

حناااااااااااان

بجد وحشتيني وحشتيني وحشتيني

من حظي الحلو اني اول واحدة اقولك كل سنة وانتي طيبة وبكل خير

ويارب كل سنة تكون احلى واحلى من اللي قبلها وكلها حب وامل وتفاؤل وحاجات حلوة

جيت اقولك كل سنة وانتي طيبة

هقرا وارجعلك تاني

وحشتيني اوي بجد

سارة

حنان سعيد said...

ساره حببتي
انتي والله والي وحشتيني اوووي
بجد مفتقده كنت تعليقتك الي بتسعدني اوووي
انا كمان يا حببتي سعيده انك اول حد بيقولي كل سنه وانتي طيبه
ربنا يخليكي ليا
ومستنياكي ديما يا حببتي

romansy said...

كل سنه وانتى طيبه
ان شاء الله الخير هيجى
وهتعيشى حياه سعيده وتحققى اخلامك

gana magde said...

حنان يا حبيبة قلبى
اللى مبيتعلمش من اللى فات هما الاموات والحمقاء فقط
المهم نتعلم من اخطأنا ونتمسك اكتر بقيامنا ومبادئنا مهما كانت قسوة ما نتعلمه وصعوبة التفكير فيما لقيناه
كل سنة وانتى طيبه وسعيدة ان شاء الله سنه تقربك للجنه وتحجبك عن النار
تحياتى

انت تسال والكمبيوتر يجيب said...

دعوه
الأخ العزيز/او الأخت العزيزه
تحيه طيبه
ندعوك للمشاركه فى برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام وهو يذاع يوميا التاسعه وعشر دقائق صباحا عدا الجمعه وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا
المدونه
http://netonradio.blogspot.com
الموقع
http://dear.to/cairo

fashkool said...

حنونه الجميله .. تحياتى
انت عرفتى حاجات كتيره قوى زياده عن الـ24 سنه بتوعك اللى تاعبينك دول .. وحتعرفى كمان فى المستقبل حاجات اضعاف اضعاف اللى بتعرفيه..
كل عام وانت بخير يا حنان
تحياتى

اعترافات قلب said...

حنان يا يا أمورة
كل سنة وأنت طيبة وعقبال مليون سنة
والسنة الجاية تكونى فى أى حتة
هههههههههههههههههههه
حنان حبيبتى
المثل بيقول يموت المعلم ولا يتعلم
يعنى طول ما إحنا ماشين فى حياتنا بنتعلم حاجات كتير
والشاطر اللى يتعلم من أخطاؤه قبل صوابه
أنت كده ماشية كويس
ربنا معاكى ويحققلك كل ما تتمنى
تحياتى
شيمو القمر

رحــــيـل said...

كل سنه وانتى طيبه ياحنان

مش عارفه اقولك ايه بس نفس المشاعر اللى فكرت بيها وحسيتها وانا بكمل برضه 24 سنه لاول مره كنت افكر فى كل ده


ومن الغريب الان اني اشعر باني مدانه بالفضل لكل من مرو بحياتي لانهم اضافوا اليي خبرات كثيره ولكل منهم دور في تكوين فكرتي عن الحياه

وكل ما احزن عليه هو شعوري بان كل عام يمر من عمري يسرق من برائتي ليبعدها عني زمن بعيد
فكلما زاد عمري تزاد ضروره انتباهي للحياه وتصرفاتي ولكلماتي وحركاتي وابتساماتي
اصبح لكل لذلك حساب لاني لم اعد طفله

بالظبط والله ياحنان اللى دايما بفكر فيه

ربنا يسعدك ويهنيكى يارب

nor said...

كل سنه و انتي طيبه يا حنان
كلامك جميل و مؤثر كل ده جواكي يا بنت انتي و مخبياه عني
بس لازم تعرفي ان لسه الدنيا فيها كتير و اللي لازم تتعلميه انك تحاولي متفكريش فيها زياده لان التفكير لا بيزود و لا ينقص من رزقنا و لا قررتنا
و عقبال 100 سنه في طاعه الله

mohamed ghalia said...

أختى العزيزة
كل سنة وانتى طيبة
كل سنة وانتى الى طاعة الله اقرب
دمتى فى سعادة

Mahmoud farag said...

كل سنة و انتي طيبة يا حنون و عقبال مليون سنة ....

ودايما

فيه رب كريم ...

و الحمد لله الذي عافانا شر ما ابتلى به غيرنا

Mahmoud farag said...

عجبني جدا عنوان البوست

غـــــــــلاف خــــــــارجي



فــ غلافك الخارجي يدل على محتوى و قلب نقي في دنيا بدا النقاء فيها معكرا

تحياتي الى قلبك النقي يا حنون

Nasimlibya said...

كل دقيقة بعد 24 سنة دقيقة حب دقيقة صفاء

يارب تكوني سعيدة وكل سنة تكون اروع واجمل برفقة ناس مخلصين محبين ناس اهل للثقة للمحبة

دمتي بكل خير

الازهرى said...

اولا كل سنة وانتى طيبة
وان شاء الله تكون 24 سنة الجاية احلى وتعرفى فيها حاجات اكتر بكتير من دول

سلوى said...

كل سنه وانت طيبه

إن شاء الله تحققى كل أحلامك :)

بس خدي بالك مهما كبرتي
حاولي احافظي على الطفله البريئه الطيبه جواكي .. حتى لو عمرك صار 1000 عام :))

إتعلمتي كتير
ولسه هتتعلمي

كمان حاولي تعلمي غيرك
وتتركي بصمه لك في الحياه
علشان تكوني ذكرى حلوة بعد 1000 عام برضه :))

ربنا يحفظك ويحميكي عزيزتي

كيــــــــــــارا said...

كووووووووول سنة وانتي طيبه ومن ربك قريبه ويحققلك كل احلامك

اقصوصه said...

نكبر

تكبر همومنا

احلامنا

وتعقيداتنا

تكبر افكارنا

وتكبر الحياه في عيوننا

كل عام وانتي بخير :)

حنان سعيد said...

رومانسي
ميرسي خالص
واتمنى اشوفك ديما في مدونتي

حنان سعيد said...

جانا
عندك حق طبعا يا حببتي
الي مش بيتعلم هما الاموات
و اعتقد النجاح بيكمن في القدره على الاستفاده من الاخطاء
تحياتي لك حبيبيتي

حنان سعيد said...

استاذ فشكول
بجد بكون سعيده جداااا كل ما اشوف اسم حضرتك عندي
ميرسي لحضرتك جدااا
ربنا يخلي حضرتك

حنان سعيد said...

شيمو القمر
وانتي طيبه يا حببتي
وعندك حق طبعا في الكلام الي قليتيه
وربنا يقدرنا ديما ان تكون بصيرتنا دائما مستبقظه عشان نقدر ندرك خطائنا واخطاء الاخرين ونتعلم منها
تحياتي

حنان سعيد said...

رحيل يا حبيبه قلبي
انا بجد سعيده بكلامك اوووي
وده بيأكد احساسي لما دخلت مدونتك اني بحس ديما كلامك اووووي
وبحس ديما ان افكارك فيها كتتير من تفكيري
بس طبعا كلامك بيكون ديما اقوى من اي تفكير

ربنا يخليكي ليا
واشوفك ديما في مدونتي
تحياتي لك حبيبتي

حنان سعيد said...

نور يا حببتي
وانتي طيبه يا جميل
التفكير للاسف شيء غير ارادي
وممكن فعلا في حالات كتير مش يقدم ولا يأخر
بس لازم افكر يمكن اقدر اكون احسن
ومش انجرف في تيار الحياه

حنان سعيد said...

mohamed ghalia

ميرسي خالص
ليك
واتمنى اشوفك ديما في مدونتي

حنان سعيد said...

محمود
ربنا يخليك ليا
ومش يرمني ابداا من وجودك
ولو كان غلافي نقي
يبقى نقائه نابع من انك انت الصوره الرئيسه للغلاف
وقلبك هو اساس تكوينه

حنان سعيد said...

نسيم ليبيا
ميرسي يا حببتي جداا
وربنا يخليكي ليا

كفايـة طيبـة said...

كل سنة وانتى احلى يا قمر

معلش جيت متأخر ..بس قعدت ادعبس على المدونة بتاعتك تانى فى بلوجتى لانها كانت تاهت مني
الحمدلله لقيتها
:D
يارب كل اللى جاى يبقي احلى من اللى راح :)

حنان سعيد said...

الازهري
ميرسي خالص ربنا يخليك
ومنور مدونتي
تحياتي لك

حنان سعيد said...

سلوى
بجد كلامك جميل اوووي
وفعلا بحاول ديما انفذه
نفسي تفضل البرائه جوايا
ونفسي ديما تكون ليا بصمه في الحياه
اديعيلي كتير
تحياتي لك

حنان سعيد said...

كيارا
وانتي طيبه يا عزيزتي
وعايزه اشوفك ديما في مدونتي
ميرسي يا حببتي

حنان سعيد said...

اقصوصه
جميله كلامتك المختصره الي عبرت كتير عن حياتنا
تحياتي لك وميرسي ليكي كتير

حنان سعيد said...

كفايه طيبه
بجد نورتيني من تاني يا حبتبتي
واتمنى ان مدونتي مش تتوه تاني
اربطيها في اي حاجه جنبك
-:))
وحشتيني خالص

صفـــــــاء said...

.
كل سنه وانت طيبه يا جميله
وعقبال 24 كمان
لالالا عقبال 100 سنه
وجميل انك قدرتى فى العمر دة تعرفى او تلمى بالخبرات دى
بس بلاش الخبرات السيئه تخليكى تتشائمى

تفائلى بالخير تجديه وأحسنى الظن حتى لو قوبلتى بالاسائه
كل سنه وانت طيبه كمان مرة يا قمر
.

موناليزا said...

اولا: كل سنة وانتى طيبة وعقبال110 سنة
ويارب السنة دى تكون سعيدة عليكى وتحققى فيها كل احلامك

ثانيا: اجمل حاجة فى حياتنا ان كل يوم بنتعلم فيه حاجة جديدة مهما كانت قاسية

fashkool said...

كمان مره يا حنان كل سنه وانت طيبه
اشكرك على التعليق
دايما منوره عندى
وكمان والله بتشرفينى
تحياتى يا حنان وسلمى على حنين

القلم السكندري said...

إذن فقد عرفت الوجه الحقيقي للحياة ولكثيرٍ ممن حولنا



كل عام وانت الي الله اقرب

حنان سعيد said...

صفاء
وانتي طيبه يا قمر
ويارب ديما كده اشوفك منوره البلوجر عندي
ميرسي يا حببتي جدا
واكيد نصيحتك حعمل بيها
ومن غير امل وتفائل اكيد صعبه الحياه
تحياتي لك

حنان سعيد said...

موناليزا
ميرسي يا حببتي خالص
بس ينفع 109
اصل 110 كتير اووووي
ههههه
وفعلا اكيد احسن حاجه في الدنيا اننا نتعلم منها
واصعب حاجه ان الايام تعدي علينا من غير مانتعلم

تحياتي لك عزيزتي

حنان سعيد said...

موناليزا
ميرسي يا حببتي خالص
بس ينفع 109
اصل 110 كتير اووووي
ههههه
وفعلا اكيد احسن حاجه في الدنيا اننا نتعلم منها
واصعب حاجه ان الايام تعدي علينا من غير مانتعلم

تحياتي لك عزيزتي

حنان سعيد said...

استاذ فشكول
ربنا يخلي حضرتك
وحضرتك بجد الي بتشرف مدونتي والله
ميرسي جدااا
تحياتي لحضرتك

حنان سعيد said...

القلم السكندري
شرفت مدونتي بوجودك
وسعيده جداا بيه
وربنا يجعلي نصيب من دعائك ان شاء الله

MaNoO said...

اول زيارة لمدونتك وفى عيد ميلادى دا من حسن حظى بس عارفة من خلال كلامك انك اخدتى خبرة من الحياة او على الأقل فكرتى فىا للى بيحصلك ممكن ناس تانية يعدى عليهم 50 سنة وبرده مش قادرين يحددوا هما مين انما انتى الحمد لله بتفكرى بطريقة كويسة جدا ويارب دايما وكل سنة وانتى بالف خير وهنا وسعادة

تقبلى تحياتى واتمنى التواصل الدائم

حنان سعيد said...

MaNoO
اهلا بيك في مدونتي
وسعيده اكيد بتواجدك فيها
وانا اكيد طبعا معاك
ان اهم حاجه في الدنيا اننا لازم نتعلم من حياتنا
وربنا ينور لينا لنا بصيرتنا وبصرنا
عشان بصرنا نشوف بيه وبصيرتنا ندرك ونتعلم بيها الحياه ونستفيد من تجاربنا
ويارب فعلا اكون بفكر صح
تحياتي لك