THOUSANDS OF FREE BLOGGER TEMPLATES

Thursday, August 7, 2008

لو خنتني هخونك


لو خنتني هخونك
فاكرين الجمله دي .....
قالتها شادية لصلاح ذو الفقار (جوزها)
قالتها ليه بقى ؟؟؟
اصلها يعني من قبل ماتحب وتتجوزه ..وهي عارفه انه بيعيش طول ماهو شايف نفسه بين البنات ديماَ
بس نصيبها بقى وحبيته والي كان كان تعمل ايه يعني ....
فعشان تهدده (قال يعني هما بيتهددو) قالتله كده

.................................................................

طبعا الجملة دي عشان واحده تقدر تقولها لجوزها لازم تكون واخدة مليون حبة شجاعة ...
وتكون لابسة كل الملابس والواقيه الممكنه لحمايه نفسها من اي عدوان منتظر
وتكون لابسه طبعا براشوت لان من المحتمل انها تترمي من اقرب شباك او بلاكونه ممكنه

والراجل بقى اول مايسمع الكلمه دي وشه يجيب كل الاوان الي ممكن تشوفها في حياتها ..وكأنه لقاها مثلا قاعده مع واحد في مكان شاعري ..
ومش بعيد تلاقيه جايب سكينه ووراح ينتقم لشرفه


.....................................................
هي اساسا الواحده بتقول الجمله دي ليه
(عشان ياحرام عايزه انها تكون لجوزها كل حاجه في دنيته بتغيير عليه بقى تعمل ايه
)
........................................
انا بقى عندي جمله تانيه خاااالص هتوفر علينا المذبحه الي ممكن تحصل من مقوله شاديه ( الشهيرة)
ويمكن كمان مفعولها المطوب يكون اقوى واحسن



جملتي بقى ايه ( زي ماتحبني احفظك في غيبتك ... احفظني في غبتي )
او ( تخيلني مكان اي واحده بتكلمها
)
اختاري الي انتي عايزاه منها

طبعا الجملتين دول مش هيعملوا تأثير الصدمه الاول بتاع شاديه ويمكن الزوج مايحسش اوووي كلامك في الاول
بس تعالو نشوف كده

الواحده تقعد مع خطيبها او جوزها .. وهو يحدد معاها كل الي يحبه في تعاملها مع ( زميلها في الشغل ..في الدراسه ..اقرابها ) اي حاجه فيها ( ر ج ل ) في الدنيا ...
ومن مبدأ ان ربنا أمر المراءه بانها تحفظ الزوج في ماله واهله وعرضه ..وان طاعه الزوج واجبه على الزوجه يبقى طبعا الزوجه هطيع زوجها (مافيش فيها نقاش دي )

بعد ما النقاط تتحدد تماما والصوره تبقى واضحه جدااا ...

من حق الزوجه انها كمان يكون ليها بيان عن شكل علاقه زوجها بــ( زميلاته في الشغل ..جراته ... قريباته ) اي (م را ء ه) في الدنيا

ولان ربنا مافرقش بين عقاب وجزاء اي علاقه بين الراجل والمراءه والقوانين ماشيه على الاتنين
ومافيش في القرءان حاجه تخلي تدل على ان الراجل ليه الحريه المطلقه في علاقاته مع السيدات
اصله ازاي يبقى ليه الحريه وهو الطرف التاني في علاقته ماعندوش حريه؟؟؟!!!
يبقى هنا الراجل يعرف وبكل سهوله ازاي يصون كرامه وحب زوجته

.................................................

هو مثلا اتفق مع مراته ان علاقتها باي واحد في حدود كلام العمل وبس ..بس هو بيتعامل عادي مع زميلاته
ممكن بقى الراجل هنا يقف ثانيه واحده وبس قبل ماينطق بحرف واحد
يتخيل ان مكان الي بيكلمها دي مراته وان واحد غريب بيكلمها ....يحب الواحد الغريب ده يكلم مراته ازي وايه الكلام الي لو سمعه يتقال لمراته مايجرحش احساسه ابدا ويبقى هو الي متفق عليه مع مراته
وايه الكلام الي مايستحملش انه يتقال مراته
سواء كلام سلوك ..او اي حاجه


(افعل يا ابن آدم فكما تدين تدان )

اوعى تقول ان البنت هي الي سمحت لنفسها بكده .... المهم انت سمحت لمراتك بايه عشان يتردلك

الرجال ممكن يقول طيب ماهي فلانه هي الي بتهزر ..وتجي هي وتحكيلي عن حياتها ..وتسالني عن حياتي ...و مش انا الي بحاول اكلمها ...اكسفها يعني ؟؟؟


الاجابة سهله اووووي
تخيل لو مراتك وحبيبتك جيه واحد يتكلم معاها في هزار ..او قالها انه نفسه يتكلم مع حد ويفضفضله عن مشاكله وياخد رئيها ..؟؟؟ ايه رئيك
طبعا ( لازم تصده ..وهي مالها بيه ..هو كان من بقيت اهلها ؟؟؟ وطبعا وشك هيجيب الوان )
هي كده كسفته ووقفته عند حده ليه ؟؟ عشان تحفظ وتصون رغبتك وغيبتك
)

الراجل طبعا من طبيعته انه جنتل يعني مايحبش يكسف واحده ابدا ...
انا معاك طبعا لازم تكون جنتل وماتكسفش واحده ذوق محترمه عارفه حدودها ..مراعيه انك راجل وليك زوجتك .. عارفه اوووي تضع حدود لاي كلام
بس لما تكون هي غير كده ..وعايزه تتكلم مع اي حد بس ومش مراعيه اي حاجه ..بتاعة ضحك وهزار وبس ..ومش مراعيه حتى نفسها.... يبقى ازاي تراعيها هي وماتصونش حب مراتك ليك وحفظها ليك في غيبتك عشان واحده بتاعت هزار وكلام فاضي


( افعل يا ابن آدم كما تدين تدان )

26 comments:

رحــــيـل said...

ازيك ياحنان اخبارك ايه؟

موضوع مهم وللاسف الرجاله فعلا بيعمولا كده بيطالبوا بحقوقهم هما وبس

انما انهم يعملوا كده نادر جدا لما يكون فى راجل كده

الاحترام المتبادل بين الاتنين هو اساسا العلاقه بينهم


تحياتى لكى

nor said...

حلو الكلام يا نونتي
بس اللي ينفذ
ربنا مع الستات كلهم
و ربنا يهدي او يهد الرجاله
و يا ريت المره الجايه تحطي صوره وحده شده واحد مش من الكرافت
لا من مشنقه و نخلص بقي هههههههههه

goodman said...

انت تلعبين على الوتر الحساس

مهيار said...

موضوع مهم و طرحة يدل على قدر كبير من الشجاعة في مجتمع شرقي تعود ان يعطي للرجل الحق في كل ما يفعل دون حساب و ان يحاسب المرأة على اقل خطإ ... تبقى المسألة في رأيي متعلقة بشخصية المرأة فليس لأنه أخطأ ان تخطئ هي الأخرى و كذا الامر بالنسبة الى الرجل لانه من أكبر ردود الأفعال و التي لها آثار سلبية هي معالجة الخطإ بالخطإ
تحيتي لك مجددا و قد تكون لي عودة

أحمد سلامــة said...

هي تقريبا زي ما انتي قلتي في التلت الاخير من البوست
هي دايرة مغلقة وجملة كما تدين تدان مش عفوية ابدا
غير ان موضوع التعامل والصداقات ده مطاط جدا واللغو فيه على ودنه وكلمة صباح الخير بس بيبقى ليها مية مسقط والتعامل لازم يون بذكاء وفطنة والبعد عن الشبهات والقلق مفيش ابسط منه لكن رغم وجود الاخلاص دايما في العلاقة لكن غرور الذكر معظم الوقت وعناد الانثى بعض الوقت بيدرج المشكلة وترجع للصفر من وقت للتاني والاسهل اختيار شريك حياه مقدر من الاول ومتبادل مع الاخر في تقدير الظروف والاهانه للفرد منهم دايما معكوسة على الفرد الاخر ولو نابعة من احدهما
اسف للتاخير في الزيارة
امتحاناااااااااات

mohamed hesham said...

كلامك مظبوط بصرف النظر عن موضوع كما تدين تدان ، لازم الواحد يكون له مبدأ ... حتى لو مراتك هتتصرف زي ما انت عايز ليه انت تكون كده ... موضوع ملحوظ جدا على فكرة ...

زمان كانوا بيقولو الرجولة أدب ... دلوقتي يا رب نفهم ...


تحياتي ...


والسـ ختام ــلام

حنان سعيد said...

رحيل
نورتي يا حبي
وانا الحمد لله تمام
وعندك حق جداااااااا
ان الاحترام المتبادل هو اساس العلاقه بينهم
وبالاحترام ممكن يتولد اجمل مششاعل الدنيا
لان الاحترام بيخلي كل طرف يعامل الاخر بافضل طريقه ويقدر رغباته واحساسه
فتصبح حياه هادئه

حنان سعيد said...

نور يا حبيبتي
وربنا يهدي الرجاله فعلا
وانا بس قلت في الاول احط واحده ماسكه من جرافاته ..يعني تمهيد عشان ما ادخلش على المشنقه مره واحده
(-:

حنان سعيد said...

جود مان
ميرسي لمروك وتعليقيك

حنان سعيد said...

مهيار
اهلا بيك في مدونتي
رئيك اكيد صحيح جدا
في ان من اكبر المشاكل هي معالجه الخطأ بالخطأ
وهذا ما قصدته
ان نستبدل التهيد بالكلام باتفاق ومعامله واحترام كل طرف للاخر
تحياتي لك
وفي انتظار عودتك

حنان سعيد said...

د/احمد سلامه
انا معاك في كلمه من كلامك
فعلا حتى صباح الخير بيكون ليها الف وجه وجهه كل حرف بنتكلمه بيكون ليه اكتر من دلاله على حسب الاسلوب والطريقه الي بتتقال بيها
.....
وطبعا ان اختيار شريك حياه متفاهم من البدايه هي افضل حل
وافضل الحلول على الاطلاق هو الاحترام المتبادل
تحياتي لك

حنان سعيد said...

محمد هشام
طبعا كلامك صح
وانا قصدت هنا بكما تيدين تدان مش تصرف الزوجه تجاه اي رجل غريب
لا قصدت انه يحط احتمال تعامل حد مع زوجته بنفس اسلوب تعامله هو
وهل هو هيوافق ولا لا
............
وعجبني جدااا بردو ان الواحد لازم يكون عنده مبدأ بغض النظر عن اي حاجه تانيه
تحياتي لك ورئيك

nasimlibya said...

براااااااااافو بوست هايل
زي متخني حخونك يعني جملة قوية فيها كل معاني الندية والغيرية
بجد ليش المراة مطالبة بكل شئ بينما الرجل في وادي اخر
احساس الخيانة مذاقه مر علقم
ان شاء الله منوقاش في حياتي بجد قريت البوست وكل اهتمام شكرا ليك هذا التناقض في الرجل رهيب يطالب خطيبته وحبيبته وزوجته باشياء هو نفسه مش قادر يطبقها عن نفسه
بالنسبة لياااا شخصيا مفيش فصال انا فقط لا وجود لغيري هكي عجبه باهي معجباش ميلزمنيش
ولا شن رايك انتي ؟؟؟ انتظر ردك

كلام على بلاطة said...
This comment has been removed by a blog administrator.
هانى زينهم said...

العلاقة بين الراجل والست علاقة معقدة اساسا وما لهاش ظوابط ويمكن ده اللى بيخلى كل واحد منهم له عالمه الخاص اللى لو التانى عرفه بيوت كتير قوى هتتقفل يلا الحمد لله على نهمة الستر وسعدت بمرورى وتحياتى ورمضان كريم

عتبة واحد said...

واو بس اللى هتخونى علشان ختنها تبقى مغفلة لانها كده عاملالى اعتبر حتى بعد ماخنتها والمفروض تنفصل عنه ومتحطش نفسها فى وضع مهين ليها كده

الخاينة بصرف النظر عن مبررتها هى انسانة بتنفص من نفسها قبل متطعن جوزها فى ظهره وطبعا درجة جوزها فى الذل اعلى منها

دا غير انى ردة الفعل دى طبعا اكبر بكتير من الفعل نفسه يعنى محدش يصدق انى امريكا تضرب مصر بالنووى لما تعطل سفيرها خمس دقايق عن مكتبه فى يوم عادى

لانى خيانة الست للرجال عار لكن العكس هو احراج للست
والعار لايساوى الاحراج

عتبة واحد said...

صحيح قبل مامشى لانه ممكن لاقدر الله اخر مرة ازور المدونة العسل دى

الموسيقى دى رائعة وانا بحبها جدا وياريت متغريهاش

hana said...

بوست جميل
تحياتي

ابو على said...

اختيارك للموضوع هايل
بعد تعليقك لا تعليق

حنان سعيد said...

نسيم ليبيا
اهلا بيكي في مدونتي
وسعدت كثيرا بردك
وعندك حق ..فعلا الرجال يملكون في مثل هذا الموقف كل التناقض
وطبعا معاكي في رئيك
في ان لا وجود لغيري في حيات زوجي او خطيبي ابدا

حنان سعيد said...

أ/هاني زنهم
سعدت جدا بمرورك
وفعلا العلاقه اكيد بين الرجل والمرئه بتختلف من بيت لاخر ومش مكان للتاني
ولكل علاقه شكلها وطابعها الخاص
تحياتي لك
وكل عام وانت بخير (رمضان كريم)

حنان سعيد said...

عتبه واحد
اولا طبعا سعيده بمرورك
بس انا عايزه اوضح حاجه
انا في الموضوع الي كتباه
اه العنوان بيقول لو خنتني هخونك
بس انا وموضوعي رافضين خالص الجمله دي
لالعكس استبدلتها خالص
لانها جمله اساسا مافيش زوجه هتقدر تعملها ..ولان بس مجرد النطق بيها ليها وقع قاسي على اذن الزوج
انا ااستبدلت الجمله دي واستبدلت طريقه الحوار
الي تدور بين الزوج والزوجه
اسبدلت الجمله بتاعت شاديه بجمله تاني


(زي ماتحبني احفظك في غيبتك ... احفظني في غبتي )
او ( تخيلني مكان اي واحده بتكلمها

بس
....................
اما بخصوص جملتك
لانى خيانة الست للرجال عار لكن العكس هو احراج للست
والعار لايساوى الاحراج

فانا مش معاك خااااالص

حنان سعيد said...

شكرا لمروك هنا
وتحياتي لك
كل سنه وانتي طيبه

حنان سعيد said...

ابو علي
سعدت بمرورك
واتحياتي لك
وكل سنه وانت طيب

محمد فكري said...

توبيك جميل بجد..
.......
بس مش كل الرجالة والله :D
..........
كل سنة وانتي طيبة يا حنان

حنان سعيد said...

نورت يا محمد الموضوع
واكيد طبعا مش كل الرجاله كده
بس يعني 99% -:)

وكل سنه وانت طيب
ومستنيه رأيك ديما