THOUSANDS OF FREE BLOGGER TEMPLATES

Sunday, May 11, 2008

مسلسل حياتي





اكيد حياتي مسلسل ... بلعب فيها دور البطله طبعا ...
بس فاجئه بقرر اني اكون مجرد تفرجة وبس ..
اها ... فعلا متفرجة وبس... متفرجة مالهاش أي دور في المسلسل غير انها تتاثر بالاحداث ... ويمكن يكون عندها رد فعل مناسب للاحداث بس ملهاش دور لانها متفرجة بس ...
انا بقرر اني العب الدور ده في حالات مش كتير اوووي (يمكن لان غالبا بحب المواجهه) ..بس في حالات بقرر اني اكون متفرجه مش اكتر


يعني من المشاهد الي بكون فيها متفرجه





يعني لما احس فاجئه ان اقرب الناس ليا تقدر وبكل قسوه انها تهدم مدن حبي وصداقتي ليها ..وتهون عليها اجمل ايامنا ..وتقر وبلا تردد ان اكون زيي زي اي عابر سبيل في حياتها ...
احاول وبكل السبل ان اعرف سبب التغير وماالاقيش سبب غير انه اصبح افضل ليها ان تكون علاقتها كده بيا

لو كان ليا دور البطوله في المشهد ده اكيد هتجنن وههدم كل جميل زي ما هدمت هي الي جوايا اكيد هصرخ وباعلى صوت واقول ليه غدرتي ليه هنت عليكي ..... وبكده يبقى انتهى كل الي بنا

فبقرر اني اخرج من المشهد وبس اكون متفرجة ماليش دور غير انه يملاني احساس الالم تجاه البطله ...واحساس الغضب تجاه تلك الصديقه القاسية

المتفرج بمجرد ما يقرر ان يغير القناه التراجيدي عشان يشوف فيلم كويمدي هينسى الاحساس بالالم

فذلك افضل للجميع من ان اكون البطله ..فهو افضل لي ان اخسر حتى نفسي واحترامي وتقديري لذاتي

واكتفي فقط باحساسها عندما تكتشف انها قررت البعد ولم اجرح احساسها لاني احترمتها واحترمت ذاتي


.....................................


ومشهد اخر في الحياة

عندما يجرح احساسي ولا يبالي.... استفذ كل الطرق عشان اقول كفايه جرح كفايه قسوه ولكن من غير فائده فانه لا يتوقف عن جرحي ..... فاقرر انا الرحيل من حياته ...بعد ان اضاع حتى احساسي باحترام تجاهه...
وعندما يعشر هو بالحزن والخساره يعود وهو ممتلأ بالالم والحزن والندم حتى اراه يكاد ان يموت امامي ....
ولكن قد انتهت المباره والحكم اعلن ان المباره انتهت ...

والوقت خلاص عدى ...... وعايشه من غيره اجمل حياه... لاني عايشه في اجمل حلم وحقيقه ....
عايشه ورورحي مش ملكي ..... ملك الي وهبني نبض قلبه لاحيا به
ملك الي خلاني اندم على كل ثانيه قبله ،ملك الي علمني معنى الحب والامان والاحتواء

ففي الحاله دي وفي موقف ان حد هيموت عشان ندم على جرحي

بقرر وبكل قوه اني العب دور المتفرجة

اشوف الي جرحني ويصعب عليا انه تعبان كده ....واتالم من احساس ندمه وان مش قادر يرجع للي بيتمناها

بس وانا مالي انا مجرد متفرجه ماليش أي دور

واول ما هحول القناه هنسى



.....................................

يمكن تتهموني بالسلبيه

بس ده عمره ما كان طبعي .....بس في مواقف ماتفدش فيها المواجهه

عشان كده بتفرج بس



12 comments:

Desert cat said...

اللى بتعمليه من تحويل للقناة هو قمة الايجابية مش سلبية
اولا فى الحالة الاولى انا متشابهه معكاى جدا فيها بفضل الانسحاب بسلام
فى الحالة التانية مش كل الناس ممكن تتقبل اننا نساعدها لانهم ممكن يحسوا اننا بنتدخل فى حياتهم الشخصية
حقيقى بوست رائع ومتميز
دمتى رائعه

nor said...

انا مش موافقه علي انك سلبيه
او انك ملكيش دور لانك مش واقفه متفرجه زي ما انتي حاسه
بالعكس انتي بتشاركي في المسلسل لكن مش عايزة تصدقي ان الناس طبعهم كده
عارفه ليه عشان انت يا قمر لسه صغنووووون
بس صدقيني الدنيا مش مستاهله
عيشي ........حبي
لان زي ما في الشر ..في الخير
مش الرسول (ص):قال الخير في و في امتي ليوم الدين .
اتمني لك حياه جميله مليانه اصدقاء بجد و صدقيني هتلاقيهم ,,لان من زرع حصد
و اتمني لك حب جميل تلاقي فيه كل اللي يعوضك عن اللي فاات و احلي

nanooo2100 said...

قطه الصحراء
ميرسي جدا لمرورك يا قمر
وسعيده جدا انك رئيك انه مش سلبيه لاني اعتقدت ان كتير هيتهموني بالسلبيه
...
على فكره يا جميل
في الحاله التانيه انا قصدي ان في حد خرج من جياتي ولما قرر او انه يرجع كان الوقت عدى وفات لان مابقاش ليه مكان في حياتي
انا حبيت اوضحلك بس يا قمر
لان تقريبا اسلوبي وماوضحش قصدي صح
وياريت بجد ماتحرمنيش من مرورك الدائم
وبجد ميرسي على كلامك المشجع جدااا جداا

nanooo2100 said...

نور
يانور يشع في حياتي
بجد كلامك بيرحني ومرورك بيفرحني
وربنا يكرمك ويكرمنا كلنا يارب
وربنا يستجيب منك يارب
وطول ما في زيك في الدنيا يبقى لازم اصدق ان في خير ديما لسه موجود
وان كان على الاصدقاء الموجودين بجد
فانتي اولهم

nor said...

لا اجد الا ان اقول
اكرمك الله
احبك في الله

mostafarayan said...

بصي انا معاكي بس مش كل موقف ينفع نكون فيه متفرجين احيان كتير لازم نكون المؤلف والممثل والمخرج والمنتج ومدير التصوير كمان
اما بقي بالنسبة للصديق اوالحبيب اللي يجرحني فانا هنسحب فورا وهعمله دليت فور ايفر من حياتي ديليت من غير ريكفير فور اول
احتراما لنفسي ومشاعري
تحياتي ليكي

nanooo2100 said...

مصطفى ريان
بشكرك على تعلقيقك الجميل
وبجد رد ورئي جميل جدا
وطبعا عندك حق
في مواقف كتير لازم نكون احنا اصحاب الكلمه والاولى والاخيره
ودي الاغلب في حياتنا مفروض
وتحياتي ليك
واتمنى ان لا تحرمني من تعليقتك المفيده

تــــــــــ(حـنة)ـــــــر said...

ليه تقولى سلبيه
يكفى جرئتك و اعترافك بكل اللى جواكي دة
ربنا يوفقك
و اتمنى مزيد من التواصل

nanooo2100 said...

تمر حنه
ميرسي على تعليقك يا قمر
وبجد ميرسي لرئيك
ويارب ديما اشوف تعليقاتك على البوستس

أبا يحيى وادم said...

السلام عليكم ورحمه الله وبركاته
اتفق معك يا نانوا فى كثير جدا مما قولت فما يسعنى فى هذه المشاهد سوى ان اكون مثلك سامارس دور البطوله بس فى المشاهده وليس الاداء
مبداء جيد اتبعه
(فليفعل من حولى ماشاء فانا سائر فى طريقى بمنهجى ومبادءى لن يثنينى عنها سوى الموت فى سبيلها ,ساعامل الكل باخلاقى ومعاملتى وليس بمعاملتهم وبفكرى وليس بفكرهم) اعتذر على الاطاله
والسلام عليكم ورحمه الله وبركاته
أخوك
د/أحمد جمال

nanooo2100 said...

د/ احمد جمال
يسعدني حقا مرورك فمدنتك وكتاباتك تجعل من تعليقاتك اضافه لكتاباتي
فاتمنى ان تضيف دائمه الى كتاباتي سواء اتفقت معها او اختلفت
ولك مني جزيل الشكر

L.G. said...

صحيح
كل ما قلتيه صحيح أحيانا احتراماً لذكرى احساس راق سكن قلوبنا يجب أن نصمت فلا نهين هذا الاحساس مثلما أهانه الطرف الآخر هذه صفة نبلاء الأخلاق
دمت راقية في احساسك وتعاملك مع الناس حتى وإن أساءوا لك كوني الأفضل لتستطيعي أن تنظري في المرآة في اليوم التالي بدون ندم حتى وإن اعتصرك الألم
تحياتي دمتي بكل ود
سماح